Алматы әкімі тұрғындармен кері байланысты арттыру мәселесі бойынша аппараттық кеңес өткізді

Алматыда Бірыңғай байланыс орталығының 109 қызметінің жұмысы, тұрғындар өтініштерін қарау мерзімі мен сапасы, сондай-ақ аудан әкімдіктері мен тиісті басқармалардың бірлескен іс-қимылын қажет ететін мәселелер қаралды, - деп хабарлайды Аlmaty.tv.

Қала әкімі жауапты тұлғаларға азаматтардың өтініштерінің орындалуына бақылауды күшейтуді, басшылардың жеке жауапкершілігін арттыруды және күрделі мәселелердің жедел шешілуін қамтамасыз етуді тапсырды.

Сонымен қатар қала басшысы тұрғындар өз өтініштеріне уақытылы жауап алып қана қоймай, оның нақты нәтижесін де көруі тиіс екенін атап өтті.

Оқи отырыңыз: Қазақстанда алғаш рет: Алматыда есту қабілетінің бұзылуын ерте анықтайтын бірыңғай жүйе іске қосылды